Z Trjebejc/Trebendorf bei Forst. „Južo w prědnem januarskem tyźenju smy z tym zachopili, źiśi na ptaškowu swajźbu pśigótowaś“, jo rozpšawiła wótkubłaŕka Elke Lisowa ze źiśownje „Słynjaško“ w Trjebejcach. „Ten swěźeń ga jo za te małe wjerašk w zymskem mjasecu januar.“ Trjebejcańske źiśi źiśeceje zagrodki su se wótpowědnje starstwoju do pśigótowanjow zapśěgnuli. Za te wětše jo wšykno na wěcej wótměnjaty part wótběgowało. W prědnem rěźe su zwucowali spiw za ptaškowu swajźbu. Tśi štucki su se spiwali w serbskej rěcy, to jo tudy wót pór lět tradicija.