Z Chóśebuza/Cottbus. Sobotu, 22. januara, jo se pód płaśecymi hygieniskimi póstajenjami wótměła głowna a wólbna zgromaźina Spěchowańskego towaristwa za Serbski muzej Chóśebuz. Dwanasćo cłonkow jo było pśibytnych. Na zachopjeńku jo pśedsedaŕka towaristwa Madlena Norbergowa wšyknych wuwitała a pócesćiła jubilarow lětowu 2020 a 2021, dokulaž slědne lěto njejo se mógała głowna zgromaźina w prezencnej formje wótměwaś. Pón jo groniła, až teke lětosa jo se na muzeumowe towaristwo korona wustatkowała, ale nic pśešlimnje, dokulaž pśedsedaŕstwo jo se digitalnje abo pśez mejlki wótgłosowało.