Z Grodka/Spremberg. Wusko zwězana z Łužycu jo Annemarie Zieglerowa z Derbna ( Döbern). Ta 29lětna žeńska jo se wó to wót wokrejsa Sprjewja-Nysa wupisane městno ako wjednica Dolnołužyskego gólnego muzeja w Grodku procowała a jo dostała. Jeje žywjeńska droga a jeje angažowanosć za nowe pówołańske wupominanje powědatej za to, až jo ten rozsud dobry był. Cas DDR njejo wóna póznała, něnto pak ma góźbu, se w muzeju z teju dobu bližej zaběraś.