We Łužycy wobraźuju źiśam wósebne póstawy, žyce gluku a strowje. W Janšojcach jo to (Janšojski) bog, hynźi jo to bóže źiśetko a wokoło Slěpego jo to dźěćetko. Do někotarych hortow a źiśownjow jo južo woglědało. Bog jo 8. decembra k źiśam we „Wili Kunterbunt“ pśišeł, źiśi w žylojskem horśe su se 10. decembra wjaselili drobnostkam z bundliška boga a su se ze spiwom wuźěkowali. W źiśowni „Mato Rizo“ jo bog slědny stwórtk był. Tśi rědne serbske štucki su źiśi ako źěk spiwali. Te dožywjenja za źiśi jo zarědowała Dolnoserbska kulturna akademija. Kaka jo bilanca źěłabnosći teje w juliju załožoneje institucije? Wjelgin derje su se pśiwzeli serbske projektowe tyźenje za źiśi w lěśu a nazymje, wóni deje se w jatšownych prozninach dalej wjasć.