Šula za Dolnoserbsku rěc a kulturu jo we tom semestrje, ga 12. nowembra, na kritisku, wobzwadnu temu pśepšosyła. Wjele luźi w našom regionje jo na někaki part zabrane z temu wódogóspodaŕstwa Sprjewje, situacije spódneje wódy we Łužycy a teke problema spadnjonych wódnych pegelow jazorow blisko wuglowych jamow. Togodla jo serbska rěcna šula fachnikow a fachnice gromadu zwołała, aby informěrowała wó wšakich śěžyšćach k temje wódogóspodaŕstwa we Łužycy.