Z Běłogroda/Belgrad. We septemberje jo wumrěł Predrag Piper, wuznamny serbiski slawist, linguist, uniwersitny profesor, połny cłonk Serbiskeje akademije wědomnosći a wuměłstwow. Wón jo był 72 lět stary. Profesor Piper jo teke kradu aktiwnje popularizěrował wšake na pólu Serbskich (łužyskich) studijow w Serbiskej, jo był redaktor elektroniskeje knigłaŕnje wó zwiski mjazy łužyskimi a balkaniskimi Serbami z mjenim „Rastko-Lužica“ (www.rastko.rs/rastko-lu/).