Z Bórkow/Burg. Z wjelerakimi keramikowymi póbitowanjami wabje sobotu, 25. julija, a njeźelu, 26. julija, te 17. gjarncaŕske wiki do Bórkow. Młoge gjarncarje tam teke pokažu, kak tase, waze, šklě a tak dalej nastanu. A teke druge rucnikarje tam swóje wóry póbituju, mjazy drugim kóše a drjewjane pśedmjaty, swěcki a stykane kwětki. Sobotu budu te wiki wót zeger 10:00 do 18:00, njeźelu budu wót zeger 11:00 do 17:00.