Z Łužyce póchadajuca a w Manchesterje we Wjelikej Britaniskej bydleca historikaŕka Kathrin Hipkojc (Hiepko) jo wěcej razow južo woglědała Łužycu. Znajo Jemjelicu, Slěpe, Mužakow a Budyšyn. Jo teke woglědała Chóśebuski serbski muzej a wšuźi jo se jej wjelgin spódobało.

Tuchylu wóna co se pśidatnje za pówołanje bibliotekaŕki kwalificěrowaś. W tom zwisku wóna něnto źěła na slěźeńskem projekśe, pśi kótaremž źo wó budyšyńsku Serbsku centralnu biblioteku. Pód normalnymi wobstojnosćami by wóna rada sama se do Budyšyna wupórała a wužywarje napšašowała, ale dla pandemije to bóžko njejo móžno. Online pód www.surveymonkey.co.uk/r/F85RB53 namakajośo jeje napšašnik.

Wóna pšosy wó to, aby wužywarje Serbskeje centralneje biblioteki napšašnik až do 1. septembra wótegronili. Za to wóna južo prědkuwen se wuźěkujo.