Dnja 12. junija jo ministaŕka za wědomnosć, slěźenje a kulturu kraja Bramborska Manja Schülowa (Schüle) wótwóriła idejowe wuběźowanje „Kulturelna domownja Łužyca“/„Kulturelle Heimat Lausitz“. Kulturelne projekty, ako tam dobydnu, se spěchuju z 2.000 do 150.000 euro. A nic jano za dogótowane projekty, teke za wuwiśe projektowych idejow jo how móžno spěchowanje dostaś.

Pla togo wuběźowanja jadna se wó jaden dalšny projekt z naflacnego programa zwězka za strukturnu změnu („Bundes-Sofortprogramm für den Strukturwandel“). Na ten part deje se we wósebnej měrje take ideje spěchowaś, kótarychž statkownosć a wliw granicu jadnogo wokrejsa pśestupujotej, kótarež zwězanje do seśi pólěpšyju a kótarež k lěpšej widobnosći łužyskeje kulturneje krajiny pśinosuju. Pśi tom jo to wuběźowanje wótwórjone za wšykne wobłuki a temy kultury.

Cas procowanja wó spěchowanje skóńcyjo dnja 14. awgusta. Dnja 3. julija buźo hyšći informaciski termin. Zasadnje pak namakajośo wšykne informacije, formulary, kontaktowe daty a tak dalej w interneśe pód

http://www.iba-see2010.de/de/wettbewerb/bewerbung.html.