Z Grodka/Spremberg. Biblioteka wokrejsa Sprjewja-Nysa a Dolnołužyski gólański muzej w kulturnem groźe w Grodku stej se wót 5. maja zasej wótwóriłej. Wjaselitej se na woglědarje k regularnym wótwórjeńskim casam. Ale źiwaś deje wužywarje biblioteki a woglědarje muzeja se wě na płaśece wótstawkowe a hygienowe regule. Pódla trajneje wustajeńce, ak tež ludowědny wobłuk k žywjenju a kulturje Serbow wopśimjejo, maju nowu wósebnu wustajeńcu wó plastowej produkciji w Grodku.