Z Janšojc/Jänschwalde. Wót pětka, 22. maja, jo Serbsko-nimski domowniski muzej w Janšojcach zasej wótwórjony, a jogo wšakorake wustajeńcowe wobłuki w historiskich chromach, na dogromady 600 kwadratnych mejtarjach, na to cakaju, až woglědarje je wuzgóniju. Pokažu how wjelerakosć kšasnych serbskich drastwow, wobšyrnu keramikowu wustajeńcu z wušej 1.000 eksponatami a wjele dalšnych wósebnosćow z Dolneje Łužyce. Tak teke wabi aktualna wósebna wustajeńca „Ak słyńco górjej stupašo“. Až do oktobra wótwóriju srjodu, stwórtk a pětk wót zeger 10:00 do 15:00, a sobotu sobotu wót zeger 13:00 do 18:00 .