Wót 1978 dajo kužde lěto jaden mjazynarodny źeń muzejow, a ten jo tradicionelnje tu drugu abo tśeśu njeźelu w maju. Lětosa to buźo 17. maja, a lětosne moto togo dnja muzejow jo „Muzej za wšyknych – muzeje za wjelerakosć a inkluziju“. Taki źeń jo se zawjadł, aby se wěcej zajma na wjelerakosć a na wuznam muzejow chyliło. W Nimskej stoj ten źeń pód patronatswom amtěrujucego prezidenta zwězkoweje rady (Bundesratspräsident), tuchylu Dietmar Woidke.

Cesto jo tak, až te se wobźělujuce muzeje na tom dnju lichy zastup dowóliju a snaź teke wósebne zarědowanja a póbitowanja wugótuju.