Z Chóśebuza/Cottbus. Ako digitalny pśinosk za imersiwne spěchowanje rěcy pśez modelowy projekt Witaj, jo Serbske šulske towaristwo z.t. web-bok www.dyrdakojstwo.de wuźěłało. Pětk, 27. měrca, jo dejała byś w internaśe Dolnoserbskego gymnaziuma zjawna prezentacija togo boka, kenž serbskorěcne materialije a ideje za praksu póbitujo. Ale dla napšawow k zagaśenju rozšyrjenja korona-wirusa jo ten termin musał wupadnuś. Tak abo znak jo dyrdakojstwo.de wót wałtory, 7. apryla, online pśistupny.

Zakład za ten bok jo górnoserbski pendant dyrdomdej.de. Pśełožyli do dolnoserbskeje rěcy su to Hilda Kučankowa, Doro­thea Šołćina a Erwin Hanuš. Ale dolnoserbska wersija se how a tam hynac wugótujo. Nadalej se na tom źěła, dalej se wóna wuwija.