Pśiduce lěto dej byś 18. „Mjazynarodna folklorna lawina“, 29. junija buźo we Lubnjowje, 30. junija we Bórkowach a 1. julija we Łuchowje (Lauchhammer). Tuchylu pytaju na cełem swěśe za ansamblami za to, wóni mógu se pśizjawiś pód www.folklorelawine.de. Organizatory wjasele se na folklornych wobźělnikow z cuzby a wóttudy. Togodla napominaju serbske towaristwa a rejowańske kupki z wokrejsowu Sprjewja-Nysa a Górne Błota-Łužyca, aby se pśizjawili za Folklornu lawinu lěta 2018. Tak mógali cełemu swětoju kšasne drastwy a rědne reje pśedstajiś – a jadnoraznosć Dolneje Łužyce pokazowaś. „Som narski, chto buźo pódla“, groni krajny raźc Harald Altekrüger.