Wałtoru, 11. nowembra, zeger 18:00

Cottbus/ChóśebuzSerbske blidoz knigłowym pśedstajenimWałtoru, 11. nowembra, zeger 18:00 sćo pšosone do Serbskego muzeja na Serbske blido ku góźbje 50. smjertnego dnja Miny Witkojc. Tam se tek pśedstajiju knigły z pjera Miny Witkojc „Fryco a Majka – o manźelstwo, ty janźelstwo“, kenž skóro pla Ludowego nakładnistwa wujdu. Tekst jo baseń a źiwadłowe graśe we jadnom, rozwjaselijo ze žyweju a jěderneju rěcu z rědnymi wobrotami. Sceniske cytanje za Was wugótujotej Diana Šejcowa a Gregor Kliem. Tek pśikuski a piśa se póbituju.„LEBENSSPUREN: Stolperstei- ne als Zeugnis finsterer Jahre.“Zwězk lichych nimskich awtorow (FDA) ma to za wjelgin wažne, pśecej zasej na progromowu noc 1938 dopomnjeś – na rasowy błud, teror a njepśedstajobne groznosći we fašistiskej Nimskej. Z aktualnymi tekstami se wugranjaju awtory a awtorki FDA Bramborska pětk, 14. nowembra, zeger 18:00 w Regionalnej a měsćańskej bibliotece za lichotu a cłowjeskosć – pśeśiwo antisemitiskim a awtoritarnym procowanjam a pśeśiwo wugranicowanjeju mjeńšynow. Budu glědaś na Chóśebuske pódštapniki (Stolpersteine) a jadnotliwe pśisudy widobne cyniś. Tak dej se woporam daś głos a se napominaś, až pódobne njespšawnosći njesměju se wóspjetowaś.Strjažow/StriesowSerbska Pratyja 2026se pśedstajijoSćo wutšobnje kazane na premjeru teje Serbskeje Pratyje 2026, ako se pśewjeźo pětk, 7. nowembra, zeger 18:00, w strjažojskej starej šuli. Wót tych jadnab 190 bokow teje noweje Pratyje jo na 68 bokach to grono wó Strjažowje.Janšojce/JänschwaldeKjarmuša – Domowinski nazymski koncertSobotu, 8. nowembra, buźo w janšojskem Lapšojc gósćeńcu zeger 18:00 serbska kjarmuša z Domowinskim nazymskim koncertom. Dožywijośo serbsku muskecu spiwnu kupku „Přezpólni“ a serbsku rejowańsku kupku Smjerdźaca/Schmerlitz.Bórkowy/BurgPśedstajenje knigłowPětk, 14. nowembra, zeger 19:00, buźo w knigłaŕni „Lesezeichen“ w Bórkowach cytanje z wudawarjom a nakładnikom Andreas Peter. Wogano su wujšli w „Niederlausitzer Verlag Guben“ te knigły „Idylle mit Schatten – Eine Kindheit im Spreewald“. Wóni su se južo 1987 pód titlom „Dotterblumen und blaue Libellen“ w nakładnistwje Eugen Salzer wózjawili a južo někotare lěta njejsu wěcej – daniž antikwariski – k dostaśu. Nowe wudaśe zasej zmóžnijo zajmcam, se zanuriś do dopomnjeśow awtorki Editha von Münchhausen, kótaraž jo wót 1884 do 1900 swójo źiśetstwo we Wjerbnje pśebyła.Pó cytanju budu te pśedstajone knigły a dalšne regionalne titele togo nakładnistwa na pśedań.Zły Komorow/ SenftenbergBasnikaŕka Mina Witkojcako inspiracijaWałtoru, 11. nowembra, sćo pšosne do wobydlaŕskego doma „Serbska cerkwja“ w Złem Komorowje, źož pśewjeźo wót zeger 17:00 Dorostowy literarny centrum „Ich schreibe!“ e.V. pód titlom „Mina Witkojc – głose pśichoda“ literarisko-muzikaliske wopomnjeńske zarědowanje k 50. dnju zamrěśa wuznamneje serbskeje basnikaŕki Mina Witkojc.Budyšyn/BautzenLena Hauptmann wustupijoz Dresden BigBandNjeźelu, 9. nowembra, wustupijo jazzspiwaŕka Lena Hauptmann w koncerśe z Dresden BigBand w Serbskem ludowem ansamblu w Budyšynje, ga zeger 19:00. Toś ten wjacor pód motom „Co by nadejšła“ se spiwa jano w dolnoserbšćinje a górnoserbšćinje. Dožywijośo swing, jazz, Latin & Funk a wěcej.Lipsk/LeipzigWótwórjenje wustajeńceSalon Similde (Simildenstr. 9) pšosy stwórtk, 6. nowembra, zeger 20:00, na wernisažu Bernharda Schippera pód titlom „Im Spülicht der Über-amme“ zwězane z pśedstajenim jogo publikacije „Café Venedig“ a wudopołnjone z twóŕbami „AG Neue Sorbische Kunst“. Wiźeś jo wustajeńca až do 14. nowembra, pśecej zeger 16:00 do 18:00.