Z Picnja/Peitz. Serbska jatšowna namša jo se wótměła pó tradiciji w picańskej cerkwi. Wokoło 40 luźi a serbski rozgłos rbb su pśišli. Faraŕ na wuměńku Ingolf Kśenka jo nawjedował liturgiju a prjatkował. Epistlu jo cytała Vanessa Štegicojc. Lektor Lothar Burchardt jo pśewzeł cytanje ewangeliuma. Zapšosbu jo cytała Madlena Norberg. Muzika wót projektoweje band fararja Kśenki jo zazněła. Na orgelach jo grał kantor KMD Wilfried Wilke.