Chtož rad góda kśicawki, ten jo zawěsće južo raz do kašćickow zapisał pěś pismikow, to mě za „grönlandskego pósoła“. Jo to Egede. Njejsom se pak žednje pšašała, chto to jo a cogodla jo pósoł? Lětosa na mójom drogowanju do Grönlandskeje som wjele wó njom zgóniła, pśeto južo pśi zajězdźe łoźi do pśistawa w głownem měsće Nuuk wiźiš jogo wjeliki pomnik, stojecy na górje. Tam glěda na kupu naźeje, źož jo była prědna pósołnikojska stacija, wót njogo załožona w lěśe 1721. W juliju toś togo lěta jo ze swójeju familiju pśišeł z Norwegskeje do Grönlandskeje.

Chto jo ale pópšawem był toś ten „grönlandski pósoł“ Hans Poulsen Egede? Wón jo był lutherski faraŕ a norwegski misionaŕ. Wón jo pópšawem pśišeł do Grönlandskeje, aby pótomniki Wikingarjow wobrośił ku kśesćijaństwoju. Wikingarjow pak njejo namakał...