Lube źiśi,

rumujośo raźi? Kuždemu to se njespódoba. Zgromadnje cysćiś, to jo druga wěc. To kśě gótowaś w Bórkowach: How ga buźo dnja 26. měrca nalětny pśeśěg w burskich drastwach. Na tom dnju dej se błyšćiś! Togodla dej kuždy pomagaś, rumowaś a cysćiś. Kuždy móžo we swójej wokolinje zběraś wótpadanki. Bóžko lažy wšuźi wjele njerěcha, na pśikład nagubki a flaše.

To wjelike cysćenje buźo tu sobotu. To jo 12. měrc. Kuždy móžo sobu gótowaś. Wón trjeba jano tutawu.