Z Budyšyna/Bautzen. To jo był za serbski lud wósebny a dłujko docakany swěźeń: Zjawnosći oficialne pśepódaśe nowego Serbskego domu na budyšyńskem Postowem naměsće. Pśed 65 lětami, dnja 8. julija 1956, su se jogo źurja wócynili pśi góźbje drugego zejźenja Serbow za pśichodne towarišnostne schadowanje a woplěwanje serbskeje rěcy a kultury. Kluc domu jo zastupnik ministaŕskego prezidenta DDR prof. Fred Oelßner pśedsedarjoju Domowiny Kurtoju Krjeńcoju we zalu nowego domu pśed 200 serbskimi, nimskimi a wukrajnimi gósćimi kaž teke zastupnikami politiskich partajow pśepódał. Twaŕski mejstaŕ Rocher jo se w swójom nagronje žycył, „až by dom był centrala nowego ducha serbskego luda.“
Na puśu k natwari noweg Serbskeg doma