Z Chóśebuza/Cottbus. Šula za dolnoserbsku rěc a kulturu zachopijo lětosa z nowym wobšyrnym kursom za nawuknjenje dolnoserbskeje rěcy za wótkubłaŕki a hortnaŕki. Južo někotare lěta mócnje póbrachuju ceptarje a wótkubłarje w serbskem sedleńskem rumje Bramborskeje. W NDR-casu jo Serbski wucabnikojski wustaw „Karlo Janak“ w Budyšynje wukubłał wjeliku licbu wucabnikow za zakładne šule a źiśownice, kótarež skóro na wuměńk pójdu. Ten w slědnych lětach na OSZ a na sorabistiskem instituśe w Lipsku wukubłany dorost njamóžo eksistěrujucy njedostatk zeźaržaś, licba studěrujucych jo pśemała. Tak jo Bramborska reagěrowała a jo pjenjeze za tu wažnu pówołańsku kupku dała. Z tymi financami mógu se wótnabocniki a wótkubłaŕki kwalificěrowaś, kenž maju pśed-znaśa abo se zajmuju za serbsku rěc.