Z Budyšyna/Bautzen. Wót slědnego tyźenja, dypkownje do jatš, su se znate cynili te dobyśarje a dobyśaŕki lětosnego wuběźowanja dorosćonych wó nejrědnjejše serbske jatšowne jajo. Weronika Suchowa, zagronita za projekty Spěchowańskego krejza za serbsku ludowu kulturu, jo informěrowała, až jo se wobźěliło 37 ludowych wuměłcow a wuměłcowkow z 67 kolekcijami na tom wuběźowanju. We lětosnej jury, ako jo w zalu Serbskego doma w Budyšynje wó prědnych městnach we šesć kategorijach rozsuźiło, su byli Babette Zenkerowa z Dolneje Łužyce, Wolfgang Kotissek ze slěpjańskich stronow a Jěwa-Marja Čornakec z Górneje Łužyce.

Chto pótakem su lětosne dobyśaŕki a dobyśarje? Tam a sem dajo teke mytowanu wósobu z Chóśebuza. Někotare myta du teke na wósoby zwenka Łužyce. Wšych mytowanych smy how nalicyli, rozrědowane do wšakich kategorijow:

Wěcejbarwne wóskowanje

(Wachsbatiktechnik mehrfarbig):

Prědne myto jo dostała Marja Domašcyna z Kanec (Cannewitz), druge myto jo dostała Sandra Siegertowa z Lubija (Löbau) a tśeśe myto jo dostała Katrin Behrensowa z Weimara.

Jadnobarwne wóskowanje