Z Dešna a Erfurta/Dissen und Erfurt. Gódy jo Worakojc Trixi doma w Dešnje póbyła. Howacej jo wóna južo lěta dłujko žywa w Erfurśe, gromadu ze swójeju žeńskeju Scarlett. Z njeju jo wóženjona wót nowembera 2018. Teke w awgusće jo wóna była w Dešnje, na swajźbje swójogo bratša. Howacej drogujo wjele pó swěśe. 39lětna njejo ducy ako turistka, ale ako profi-kólasowaŕka US-amerikańskego kólasowaŕskego teama „Trek Segafredo“. Te amerikanarje su se zwěsćili Worakojc sobustatkowanje za sezonu 2021, slědny raz. „Som pśiwzeła to póbitowanje Segafreda, teke njejsom komuźiła. To wšak jo cesć za mnjo, až wóni kśě teke tśeśe lěto ze mnu gromadu źěłaś, som ga pśisamem 40. Tu dowěru cu wobpšawjaś“, jo groniła Trixi, ako kólasujo ako „ pjerowaga“ (Federgewicht).