Serbska rěc w styrich hortach

Von Stefanie Krawcojc Donnerstag, 21. Januar 2021
Nowotwaŕ horta pśi šuli w Brjazynje. Foto: M. Norbergowa

W Dolnej Łužycy mamy styri WITAJ-horty. To su horty, ako su zakładnym WITAJ-šulam pśirědowane a pódpěruju w swójej statkownosći WITAJ-projekt. To su hort „Njewjerica“ w Žylowje, „Hort móžnosćow“ we Wětošowje, Źiśecy a wuknjeński dom LIPA w Bórkowach a hort w Brjazynje.

Horty su wažna ressourca za wužywanje serbskeje rěcy zwenka wucby. W hortach ga su serbšćinarje a WITAJ-źiśi wótpołdnja pó šuli w lichem casu. Togodla se w hortach glěda na wužywanje serbskeje rěcy, na pśikład pśi domacnych nadawkach. Dalej pśewjeźo se w hortach aktiwne serbske kulturne žywjenje. W Žylowje swěśi se na pśikład kužde lěto ptaškowa swajźba ze źiwadłowym graśim w serbskej rěcy (lětosa njejo to móžno), w Bórkowach spiwaju źiśi w LIPA-chorje a maju mału rejowańsku kupku. Zgromadnje z Rěcnym centrumom WITAJ a Serbskim muzejom w Chóśebuzu su horty nowu iniciatiwu na nogi stajili: Cytańske wuběźowanje, ako jo se južo tśi raze pśewjadło.

(0 )
Bitte anmelden, um einen Kommentar zu posten
 
  • Zustellung der Wochenzeitung durch einen Zusteller oder durch die Post
  • Unsere Zeitung ist ein Muss für jeden, der sich für die Sprache, Kultur und den Alltag des autochthonen slawischen Volkes interessiert.
  • für 26,40 € jährlich

Zeitung bestellen

  • voller Zugang zu Nowy Casnik online und zum E-Paper
  • zusätzliche Funktionen (Archiv, Kommentieren, Bewerten, als PDF speichern)
  • für 14,40 € jährlich (für Abonnenten der gedruckten Ausgabe nur 9 €)

Zugang bestellen