Z Wuježka/Wuischke. Słyńcne wjedro a rědne póglědnjenje do dali zbuźijo emocije. Z 43lětnym etnologom Robertom Lorencom glědam sejźecy na ławce pód wišninu do Wuježka pód Čornobohom (Wuischke) a dołoj až do Hamorskeje milinaŕnje. Cerkwina wjaža w Bukecach/Hochkirch pokazujo se za górkami. „Sćo how žywe w paradizu“, gronim Robertoju, kenž źěła wót 2018 w Serbskem instituśe ako wědomnostny sobuźěłaśeŕ.