Wuknuś wjelich jo, to jo wupominanje. Kužde góle dej to wuknuś. Źiśi wu nas kśě to wušej togo wuknuś w dwěma rěcoma. Pomoc pórucyju kradu nowe knigły z Ludowego nakładnistwa Domowina: papowe knigły „Wjelich jo?“. Wótegrono jo: „Jo zeger wósymich“, na pśikład. To wuknu źiśi w šuli abo doma. Wóne nowe knigły za źiśi wót tśich lět pódpěraju to wuknjenje. Rozmjej: Tam jo nakreslone, co źiśi cynje ceły źeń. Pódla stoj, wjelich jo, gaž stawaju, fryštukuju, se wupóraju do źiśownje, graju a jěźe. Cytarje mógu cytaś a słyšaś, „wjelich jo“. Ku knigłam ga słuša „BOOKii“-pisak. Z tym mógu źiśi kliknuś na symbole a słyše, kak jo pšawje. Lěpjej gronjone: BOOKii-pisak słuša ku tym knigłam, aby połnje funkcioněrowali. Ten pisak musyśo se separatnje kupiś a zapłaśiś. BOOKii-pisak móžośo za wšake knigły weześ. Gaž wužywarje kliknu na wótpowědne wobraze, dostanu nadawki. Pón deje namakaś pšawy wobraz a kliknuś na njen. Tak treněruju swóje rěcne znaśa, a znaśa zegera. Mały minus jo: Kak se groni, gaž jo zeger 8:00 abo 10:00, to jo zgóniś. Wótegrono na to pšašanje: Kak se groni 8:15, 9:20 abo 7:45? To njezgóniju cytarje, lěcrownož to jo to wětše wupominanje.