Teke w Gołkojcach maju swóju „pratyjku“

Von Marion Hirchowa Donnerstag, 03. Dezember 2020
Teke pó wótedaśu materialow za „Kolkwitzer Geschichten“ lěta 2021 w śišćaŕni maju cłonki interesowego zjadnośeństwo hyšći cyniś. Pśi licaku sejźi Ramona Gasertowa, Reinhard Lecher stoj. Foto: Marion Hirchowa

Južo wót lěta 2019 wjeźo gołkojska pratyjka (lětnik wjelikeje gołkojskeje gmejny) pó lěśe. Wudawaŕ jo interesowe zjadnośeństwo za domownisku historiju w Gołkojcach. Gano su wótedali manuskript za wudaśe za lěto 2021. W Schiemencojc śišćaŕni w Chóśebuzu, kótaraž ma gołkojskego wobsejźarja, se śišći něnto brošura, kótaraž ma 156 bokow. Wóna buźo k adwentoju na pśedań, w radnicy, na posće w Gołkojcach a w bibliotece.

Pódla kalendarja su zasej wšake gołkojske tšojenja cytaś. Lětosa na pśikład jo „dodank“ wó Pawlinje Krawcowej. Rozmjej: Gasertojc Ramona jo za tu pratyjku južo łoni něco napisała wó roźonej Dalicanaŕce Renusojc Pawlinje (ako se jej do manźelstwa hyšći groniło). Wóna Pawlina jo wótrosła w Gołkojcach, źinsa mamy ju za stwóriśelku pupkow z burskimi drastwami.

Wóna jo se cas žywjenja zasajźowała za Serbow, jo protestěrowała pśeśiwo germanizaciji. Do popajźeństwa su ju 1938 spórali. Popajź jo zawóstajiła swóje slědy, a 1941 jo wóna toś wumrěła, swój slědny wótpócynk ma w Gołkojcach.

(0 )
Bitte anmelden, um einen Kommentar zu posten
 
  • Zustellung der Wochenzeitung durch einen Zusteller oder durch die Post
  • Unsere Zeitung ist ein Muss für jeden, der sich für die Sprache, Kultur und den Alltag des autochthonen slawischen Volkes interessiert.
  • für 26,40 € jährlich

Zeitung bestellen

  • voller Zugang zu Nowy Casnik online und zum E-Paper
  • zusätzliche Funktionen (Archiv, Kommentieren, Bewerten, als PDF speichern)
  • für 14,40 € jährlich (für Abonnenten der gedruckten Ausgabe nur 9 €)

Zugang bestellen