Beskidy su połne legendow. How móžoš wšuźi se pózmakaś z někakeju njewšedneju basnicku. Znosujo se kaž nocna kurjawa nad płodnymi pólami, kótarež źinsa puste laže a źož maju we wusokich, lětźasetki njeseconych tšawach wrjeśeńce swóje gnězda. Wuźěra z carnych wócow starcow, kótarychž kóža jo ropata kak pergament. Wóspjetujo echo powěsćow, klincece z dłymokosći njewužywanych studnjow. Wěra do duchow jo tejerownosći šyroko rozšyrjona w mójej domowni. Duše pśiswójźbnych wumarłych su pśi wšyknych mójich znatych na woglěźe byli.