Pó tej wjelgin zajmnej góźince w Kotisekojc domje se wudajom na drogu do susedneje jsy Trjebin. Nejpjerwjej pak som hyšći wótmólował žedne wót tych wjelgin rědnych his-toriskich domow, na kótarychž zdźaržanje a woplěwanje w Brězowce wjelgin źiwaju. Na „Bělkojskem“ kóńcu jsy wótbocyjo dobra twarda droga napšawo do Trjebina. „Za bonu“ stoje nalěwo a napšawo te prědne trjebinske domy, za wětšy źěl samotne „na zelenem“. Mjazy nimi su młoge nowe, cesto bejnje wjelike. How su te familije stajili nowy dom, ako su musali wopušćiś swóje byśa we wejsnem źěle „Za góru“ (Hinterberg), źož budu skóro za brunicu za milinaŕnju w Hamorje ryś.