Z Dolneje Łužyce/Niederlausitz. W našom rěźe wó tom, kak jo w Serbach běžało w slědnych 30 lětach w zjadnośonej Nimskej, glědamy tenraz na wósobinske nazgónjenja a na wuwiśe towaristwa Pónaschemu.

Ten 3. oktober 1990 jo był wjasoły a tužny źeń za našu mału familiju. Mój źěłodawaŕ jo był DDR. Tak som wisał wjele mjasecow we „Warteschleife“. Som dostał „Abschlag“ a njejsom měł źěłowe dogrono. Som źěłał źaseś lět w DDR, som zachopił něnto ako zachopjeńkaŕ pśi nuli. Pó wuspěšnem „gauckowanju“ som dostał dokument, až smějom w demokratiskem systemje dalej źěłaś, ale skóro 20 lět ze „Zwangsteilzeit“ wót 80 procentow.