Ze Złego Komorowa/Senftenberg. Šula za dolnoserbsku rěc a kulturu se wjaseli, až jo dotychměst swóje zarědowanja w lětosnem nazymskem semestrje pśewjasć mógała – źiwajuca na płaśece płaśidła dla korony, se wě. Stwórtk tyźeń jo stojał na programje teje šule nimski pśednosk z titelom „Wendische Schönheiten und Charaktereigenschaften. Über vergangene Wertvorstellungen und Mentalitäten der hiesigen Bevölkerung.“ Wokoło 15 zajmcow jo se na to w złykomorojskej Serbskej cerkwi pśinamakało.