Z Grodka/Spremberg. Towaristwo za kanu-sport Grodk (VKS) jo se dnja 27. oktobra 1920 załožyło. Prědna cołnaŕnja jo se na pšawem boce Sprjewje wóswěśiła. Jo pśetrała te case a se prezentěrujo pó saněrowanju w lěśe 2004 we połnej kšasnosći. Nejpjerwjej jo stojał drogowanje pó wóźe (Wasserwandersport) we srjejźišću.

K jatšam 1921 su grodkojske padlowarje prědny raz pód wódu (flussaufwärts) do Čelna (Tzschelln) jěli. Tam su se pśijaznje wuwitali, 1928 jo wordował tamna kjarcma oficialna DKV-stacija (DKV jo „Deutscher Kanu-Verband“). Za tym až Čelno jo se 1978 wótbagrowało a ten gósćeńc se stakim zgubił, jo kjarcma „Zum Hammer“ w Nowem Měsće (Neustadt) DKV-stacija. Až do wuderjenju Drugeje swětoweje wójny jo drogowański sport dominěrował. Zgromadne dowolowe wulěty na Łobju, Haboli, Solawje a Sprjewi su to byli. Pśi tom su měli Błota až do Gójaca (Goyatz) z Gójackim jazorom wjeliki wuznam.