Z Pódstupima/Potsdam. Zjawne pósejźenje Serbskeje rady jo se wótměło wałtoru 6. oktobra. Na pósejźenju su se wobźělili powědaŕka teje rady Delija Münchowa, zagronity za nastupnosći Serbow we Bramborskej Tobias Dünow, zastupnika chóśebuskego a budyšyńskego WITAJ-centrumowu, zagronita za serbske nastupnosći wokrejsa Górne Błota-Łužyca Hanka Rjelcyna, referent bramborskego krajnego zagronitego za nastupnosći Serbow Měto Nowak, zagronita za serbske nastupnosći we Měsće/Cottbus Anna Kosacojc-Kozelowa a druge.

Na dnjownem pórěźe su mjazy drugim stojali pśedłoženje góspodaŕskego plana kraja za nowe lěto, situacija we serbskich źiśownjach, wabjenje ceptarjow a stipendium za študańcow wucabnikojskego amta, digitalizacija wucby a digitalne póbitowanja we serbskej rěcy, strukturna změna a pśirodošćit. Su se rozsuźili, až Dieter Freihoff buźo zastupowaś Serbsku radu we wósebnem wuběrku za strukturne wuwiśe we Łužycy.