Z Dešna/Dissen. Slědnu njeźelu jo Babette Zenkerowa wótwóriła wustajeńcu „Von Ochsen und Engeln“ w Dešańskem domowniskem muzeju pód wósebnymi wuměnjenjami. Korony dla. Mjazytym až su někotare gósći pósłuchali na muziku pěsnjarja Bernda Pittkuningsa pśi zemi, kenž jo grał serbske a nimske spiwy, su se druge mógali woglědaś twóŕby Erwina Strittmattera a Lothara Sella a se z Manfredom Schemelom a ze Sellojc źowku Gundula pórozgranjaś.