Z pódzajtšnočeskego Budislava/Budislav (Osttschechien). Pandemija korony jo zawinowała, až se wótgronijo mań zarědowanjow, mjazy drugim Lěśojski kurs za serbšćinu w Budyšynje. Pśedsedarjeju českego towaristwa Společnost přátel Lužice Lukáš Novosad jo toś na mysli pśišło, lěśojsku rěcnu šulu serbšćiny za studentow w gmejnje Budislav organizěrowaś. Lěśojska rěcna šula, kenž jo płod zgromadnego źěła towaristwa Společnost přátel Lužice a Katedry srjejźnoeuropskich studijow Karloweje uniwersity, se wótmějo wót 31. julija do 7. awgusta a jo zasadnje za zajmce z Filozofiskeje fakulty Karloweje uniwersity měnjona. Mógu se tek druge zajmce z Českeje pśizjawiś.