Z Města/Cottbus. Pětk, 19. junija, su abiturientki a abiturienty Dolnoserbskego gymnaziuma Chóśebuz swóje wopisma dostali. Za pśepodaśe wopismow jo było planowane swětosne zarědowanje tek ze starjejšymi na dwórje šule. Ale dla špatnego wjedra jo to zarědowanje we wěcejzaměrowem twarjenju gymnaziuma se wótměło. Na wótstawkowe pšawidła su ga źiwaś musali, dla togo njejsu směli starjejše pódla byś, jano tych 68 wuknikow a wuknicow abiturnego lětnika. Nagrona su byli słyšaś wót šulskego wjednistwa a tež wót wuknikow. Teke k swětosnemu programoju jo słušało, až na pśikład w kulturnem wobłuku wjelgin angažěrowane wuknice a wukniki su se cesćili. Aby teke starjejše to zarědowanje wiźeś mógli, su to wšykno filmowali a film na wuknikojsku online-platformu stajili.