Z Města/Cottbus. „Dobry źeń. Witajśo k nam. Žycym Wam wjele wjasela pśi piśu teja“, z wjelgin dobrym wugronom strowi wobsejźaŕ Hagen Stoletzki w serbskej rěcy gósći tejownje „Oblomow“, jolic zgónijo, až se za serbsku rěc zajmuju abo serbski powědaju. Ma pódpěru swójeje manźelskeje Uty. Jeju pśedawaŕnja teja a kafeja pśi pomniku Nykusa a drugich bajkowych figurow jo mjaztym wordowała znamje města.
„Oblomow“ stej manźelskej załožyłej 1993 w Barlinju. Pózdźej stej kśěłej namakaś měrnjejše město za žywjenje ako głowne město a stej se za Chóśebuz rozsuźiłej. Wót 2001 lažy tejownja w Chóśebuzu – nejpjerwjej na pasažy pśi Grodojskej cerkwi (něnto synagoga) a pózdźej až do źinsa na Serbskej droze 2.