BÓŽE SŁOWO

Sedym tyźeni bźez śěžkeje mysli

Von Gregor Wieczorek Donnerstag, 26. März 2020

Pśeto wón mě zakšyjo we swójej budce we złem casu, wón mě schowajo we tom zatawjonem swójogo byśa. (Psalm 27,5)

Mějśo dowěru! Sedym tyźeni bźez śěžkeje mysli, to jo titel spótneje akcije našeje cerkwje lětosa. Abo skrotka „Sedym tyźeni bźez…“. Na jeje zachopjeńku njejo nicht zwěsćelował abo gódał, až našo žywjenje buźo se skóro tak mócnje pśeměniś. Něnto smy wšykne wót togo wósebnego śichego casa pó­trjefjone. My musymy se wjelich nahucenjow wótrjac, musymy se wótchyliś wót našych huchójźonych sćažkow a huknuś se hynac zaźaržaś. A se na to koncentrěrowaś, což we žywjenju napšawdu wažne jo.

Ale buźćo połne dowěry! Huźaržćo sedym tyźeni bźez śěžkeje mysli, bźez pesimizma. Kak? To su móje ideje:

– sedym tyźeni dobre po­wěs­­ći rozšyrjaś – na wšyknych kanalach,

– sedym tyźeni njeskjaržyś a se njepógóršowaś, ale lubjej komplimenty huźělowaś, ku dnju jaden pśez telefon,

– sedym tyźeni mimo śěžkeje mysli a carnych wizijow pśichoda – źi lubjej do zagrodki něco sajźit abo wuset,

– sedym tyźeni se hoglědowaś za dobrymi znamjenjami – glědaj, kak w zagroźe wšo se zeleni a kwiśo!

(0 )
Bitte anmelden, um einen Kommentar zu posten
 
  • Zustellung der Wochenzeitung durch einen Zusteller oder durch die Post
  • Unsere Zeitung ist ein Muss für jeden, der sich für die Sprache, Kultur und den Alltag des autochthonen slawischen Volkes interessiert.
  • für 24,00 € jährlich

Zeitung bestellen

  • voller Zugang zu Nowy Casnik online und zum E-Paper
  • zusätzliche Funktionen (Archiv, Kommentieren, Bewerten, als PDF speichern)
  • für 13,20 € jährlich (für Abonnenten der gedruckten Ausgabe nur 7,80 €)

Zugang bestellen