Łaz ma dwě městnje, źož wuměłstwo nastanjo. „Kunsthaus“ jo jadno. Druge jo „Bunte Bude“, źož Susanne Kruse wót 2013 ma (na dwórje swójogo partnarja) źěłaŕnju. Tam pšosy w lěśu na workshopy, źož dorosćone a źiśi mógu kreatiwne byś, z barwu, šćotku, štempelom a dalšnymi materialami a swět barwow a formow za sebje wupytaś. W źěłaŕni a zagroźe mógu luźe samo swěśiś.

Statkowańske pólo wót Susanne Kruse jo hyšći šyrše. Wóna źěła z intuitiwnym mólowanim a wuměłsko-therapeutiski z jadnotliwymi a z kupkami. Wjele lět źěła Susanne Kruse ako grafikaŕka. Wóna jo wugótowała printowe medije, plakaty a flyery a prezentacij. Jeje znamje su štempelowe źěła, pyšne motiwy, ako jo štemplowała. Inspirěrowaś jo se teke dała wót módrośišća, což nastupa motiwy, na pśikład pśez kontakt ze Saru Gwiszcz. Pśecej, jo groniła, pyta za nowymi barwami a formami.