Lyriske twórjenje Jurija Chěžki warnujo jano styri lěta. Ako študańc napišo mjazy 1935 a 1938 cełych 54 basnjow. Weto su wóni „der entscheidende Schritt in die Moderne nicht nur in der sorbischen Lyrik, sondern in der sorbischen Literatur insgesamt“. (Christian Prunitsch: Sorbische Lyrik des 20. Jahrhunderts, S. 124)

Pśijaśel literatury namakajo twórjenje J. Chěžki w tśich edicijach. Ceptaŕ a pśijaśel Mikławš Krječmar wudajo 1961 jogo basni, prozu a listy. W reprezentatiwnem wudawku „Poezija małej komorki – Poesie der kleinen Kammer“ Kita Lorenca, 1971, jo 36 basnjow serbski a nimski. A 1987, basnik by wordował 70 lět, namakaju se žedne w kniglickach „Serbska poezija“. Hyn ta baseń wjeźo cytarja do jogo studijneje śpicki we wjelikem měsće Praha.

Śicha śpicka daloko wót rodneje jsy Hórki pola Kamjeńca jo južo gólcoju byśe, ga běšo se jomu dało stipendij za Arcybiskopski gymnazij w Praze (1929-1937). Pótom jo tamkor na Karlowej uniwersiśe študańc bohemistiki, germanistiki a sorabistiki.