Z Chóśebuza/Cottbus. Delegacija wót bramborskego Towaristwa za dolnonimsku rěc z wósymjomi cłonkami jo we zachadnem tyźenju póbyła w Dolnej Łužycy. Wóni su se wopóznali ze situaciju dolnoserbskeje rěcy a z pilnowanim wó jeje zeźaržanje. Jich wótglědanje: zběraś wužytne ideje za swóju wobgrozonu dolnonimsku rěc. To tśidnjowne „kubłańske drogowanje“ jo organizěrowało a financěrowało bramborske Ministaŕstwo za wědomnosć, slěźenje a kulturu – tam ga jo zaměstnjony referat 14 za nastupnosći cerkwjow, Serbow a za dolnonimsku rěc. Gósći jo wjadł Měto Nowak, referent zagroniteje za nastupnosći Serbow w Bramborskej.