PŠAŠATA RĚPA

Baslimy z mušlami, III. źěl

Von Stefanie Krautz Donnerstag, 10. Oktober 2019
Teke nokśowy lak jo rědny na mušlach.
... kwětkowy gjarnyšk! Kusk drjewa som teke nalipnuła.

Lube źiśi,

źinsa zasej baslimy! Dwa raza som južo pisała wót mušlow. Źinsa pokažu wam, co som z mušlami cyniła.

Móje mušle drje su rědne byli. Wóni su wšake barwy měli: su byli šere, běłe, rožojte a nažołte. To jo se wě pitśku rědne. Pyšne wěcy se mě pak lěpjej spódobaju! Togodla som mušle sama pómólowała. Nejžpjerwjej som blido pókšyła ze starymi casnikami.

Kaku barwu som wzeła? Doma som měła nokśowy lak. Ten lak se góźi za mušle. Som měła cerwjeny a złośany lak. Ten lak smjerźi pitśku za rozpušćadłom (Lösungsmittel).

Pótom som źěłała z wólejowymi barwami. Te barwy se kradu mažu. Hyšći pór dnjow pózdźej njejo sucha była. Wódowa barwa jo lěpša. Wóna rědnje barwi mušle. Palce wóna teke barwi. Ale ja mógu se ruce wobmyś. Na kóńcu som testowała filcowe pisaki. Z filcowymi pisakami jo nejlěpjej šło. Som mógała te smugate mušle derje pómólowaś!

(0 )
Bitte anmelden, um einen Kommentar zu posten
 
  • Zustellung der Wochenzeitung durch einen Zusteller oder durch die Post
  • Unsere Zeitung ist ein Muss für jeden, der sich für die Sprache, Kultur und den Alltag des autochthonen slawischen Volkes interessiert.
  • für 18,00 € jährlich

Zeitung bestellen

  • voller Zugang zu Nowy Casnik online und zum E-Paper
  • zusätzliche Funktionen (Archiv, Kommentieren, Bewerten, als PDF speichern)
  • für 13,20 € jährlich (für Abonnenten der gedruckten Ausgabe nur 7,80 €)

Zugang bestellen