K lětosnym lawreatam Myta Domowiny słušaju tśo fararje, kótarež maju mócnu źělbu na wótžywjenju serbskego dušowpastyŕstwa a cerkwinego žywjenja w Dolnej Łužycy: Helmut Hupac z Prjawoza, Dieter Schütt ze Žylowa a Cyril Pjech z Barlinja. Jim, kaž teke drugim tśom lawreatam ‒ Lubinje Dučmanowej ze Spalow (Spohla), Mikławš Krawcoju z Budyšyna a prof. Gerald Stonoju z Oxforda ‒ jo pśedsedaŕ Domowiny Dawid Statnik pśepowdał myto na swěźeńskem cesćenju srjodu tyźeń w Serbskem domje w Budyšynje. Myto Domowiny za dorost jo šło tenraz dwójcy do Górneje Łužyce: Wóno jo se dostało 30lětnemu muzikarjeju Józefoju Brězanoju ze jsy Smječkecy (Schmeckwitz) a Witaj-kupce we źiśowni we gmejnje Malešecy (Malschwitz).

*