Diese Seite drucken

Wandrowanje we Bóžem mjenju

Von Ines Neumannojc Donnerstag, 15. August 2019

Jo dowolowy cas a wěm, až wandrowanje jo woblubowana zaběra. Znate a pśijaśele raźi wandruju, na eksotiskich městnach ale teke doma. Wu nas w regionje se wandrowanje tejerownosći póbituju – teke to serbske. Wandrowanje jo wjelgin rědne: wiźiš kwětki, słyšyš ptaški, dychaš fryšny pówětš, sy jadnorje pśiroźe blisko a móžoš docełego raz k měru pśiś. Ja som lětosa drugi raz taki wandrowański dowol cyniła a to w połdnjowej Engelskej. To chójźenje jo było casy teke napinajuce, wósebnje wusoki pśibrjog górjej a dołoj, ale cłowjek ma za to kšasny wid na mórjo a duša se wochłoźijo. Pśi takem dowolu zmakajoš teke luźe, ako maju pó-dobne nastajenje k žywjenju ako ty sam, a to jo wjelgin pśijomnje.

(0 )
Bitte anmelden, um einen Kommentar zu posten