Teke źiśi budu se na festiwalu pśepokazowaś

Von Gregor Wieczorek Donnerstag, 27. Juni 2019

Z Chrósćic/Chrostwitz. Wósebny źěł festiwala Łužyca buźo program łužyskich źiśecych kupkow „W kraju wjasołych źiśi“, a to tejerownosći sobotu (6. julij), zeger 15.00, na Kralojc dwórje w Chrósćicach. Jen organizěrujo rejowaŕska kupka ze Smjerdźaceje/Schmerlitz. Wustupiju jich źiśi, kaž teke dorost (Nach­wuchs) rejowaŕskeje kupki Brětneje (Bröthen) a slěpjańskego folklornego ansambla (wóni budu spiwaś, rejowaś a graś na serbskich instrumentach). Wušej togo wustupiju źiśi ze serbskich zakładnych šulow a z towaristwa Stup dalej z Drježdźan. Ten źěł wobzamknu spiwarje ze znateje kupki „Lózy hólcy“ ze swójimi nejwěcej lubowanymi spiwanjami.

Zeger 17.00 pokažo Serbski ludowy ansambel swój program „Naša duša“ na farje. Regularny folklorny program zachopijo se ten źeń zeger 19.00.

Njeźelu buźo wjeliki finale festiwala. Zeger 10.00 buźo wjelerěcna namša na łuce pód gołym njebjom. Zeger 13.00 zachopijo se wjeliki pśeśěg wšyknych wobźělnikow pśez wjas. Štundu pózdźej budu se pśepokazowaś łužyske kupki, a zeger 15.30 buźo ten slědny źěł programa, we kótaremž wustupiju gósći z wukraja.

(0 )
Bitte anmelden, um einen Kommentar zu posten
 
  • Zustellung der Wochenzeitung durch einen Zusteller oder durch die Post
  • Unsere Zeitung ist ein Muss für jeden, der sich für die Sprache, Kultur und den Alltag des autochthonen slawischen Volkes interessiert.
  • für 26,40 € jährlich

Zeitung bestellen

  • voller Zugang zu Nowy Casnik online und zum E-Paper
  • zusätzliche Funktionen (Archiv, Kommentieren, Bewerten, als PDF speichern)
  • für 14,40 € jährlich (für Abonnenten der gedruckten Ausgabe nur 9 €)

Zugang bestellen