Pśepowdaśe dobreje powěsći na Tylcyc dwórje: mjazy drugim dešańske wognjowe woborniki, ministaŕski prezident Dietmar Woidke a šołta Fred Kaiser. Wužytk z togo wótnowjonego dwóra změjo pśedewšym wognjowa wobora. 
Z Dešna/Dissen. Spušćony Tylcyc dwór pśi głownej droze buźo se wutwariś ako dwór wognjoweje wobory. Ministaŕski prezident Bramborskeje Dietmar Woidke (SPD) sam jo zachadny tyźeń pónjeźele tu wjasołu powěsć do Dešna pśinjasł! Rozmjej, wón jo pśepowdał šołśe Fred Kaiseroju to wopismo z wobzamknjenim, až Bramborka buźo wěcej ako 870.000 euro pśipłaśiś z programa za komunalnu infrastrukturu. Ten pśipłaśonk wucynijo 55% wšyknych kostow, te wuzbytne 720.000 euro buźo gmejna sama njasć.
Dienstag, 23.04.2024
