Nowy Casnik jo pokazał we swójom wudaśu 41 na tych luźi z Dolneje Łužyce, kótarež se pśipóznaju k wuzwólowanjam k Serbskemu sejmoju. Gaž se pak dopšašujoš pla našych luźi, pón jo jasne, až woblubowanosć teje inicitiwy jo wobgranicowana. Wětšy źěl luźi njebuźo se wobźěliś.

Casnik wózjawijo głos wót žednych tych luźi, kótarež njebudu se wobźěliś na wuzwólowanjach. Tśoch smy pšosyli, abo Casnikoju swójo měnjenje k tomu wugronili.

Młody muski, kótarež njoco z mjenim w Casniku stojaś:

„Pśed mjasecami som dał se zapisaś do lišćiny wuzwólowarjow. Tegdy njejo hyšći jasne było, chto kandiděrujo. A som akle wót togo casa se zaběrał z teju wěcu.

Něnto tu wěc wěcej njepódpěrujom. A to wósebnje dla togo, až sejmikarje njezwónoźiju našu situaciju tak k dobremu wobrośiś, až wšykne sejźe za jadnym blidom. Zasadnje njeby taku iniciatiwu za špatnu měł ako politiske wuwiśe. Ale to jo slěpa gasa, dokulaž luźe njesejźe za jadnym blidom. Togodla to njama zmysł.