Z Janšojc/Jänschwalde. Wjelike žywjenje jo było 4. awgusta wótpołdnja na wuběrnje rědnem grajkanišću w Janšojcach-Pipanojcach. Chtož jo tam wiźeł te skokotajuce źiśi, kótarež su ned pó wustupje z busa wšykne grajne rědy wopytali, ten njejo mógał ned wiźeś, až su wšykne wjelgin chóre.

25 źiśi z města Gomel w Běłoruskej ga wódychajo se styri tyźenje w Ewangelskem domje za młoźinu Hirschluch/Storkow. Wobstaraju se tam teke na mediciniskem pólu. Móžno jo to južo 27 lět pśez akciski krejz „Źiśi wót Tśernobyla“. Zwězk wobstarajo familije ze źiśimi, kótarež śerpje na póznymi wucynikami katastrofy w Tśernobylu.