Na dnju reformacije jo pśewjadło Serbske ewangelske towaristwo swóju lětnu głownu zgromaźinu w Budestecach (Groß- postwitz). Wó bilancy lěta 2017 a celach za 2018 jo Andreas Kirschke se rozgranjał z pśedsedarjom Mato Krygarjom.
NC: To lěto 2017 jo stojało w znamjenju jubileja „500 lět reformacija“. Co wóznamjenijo reformacija za ewangelskich Serbow?
Mato Krygaŕ: Reformacija jo zmóžniła kśesćijanam wužywanje mamineje rěcy namšy, teke nam Serbam. Bźez reformacije njeby źinsa měli žedneje serbskeje pisneje rěcy. Śišć górnoserbskeje biblije w lěśe 1728 jo był prědny wjerašk serbskich literaturnych stawiznow.
Mimo głowneje zgromaźiny su se dalšne zarědowanja ze serbskim późělom a wobźělenim towaristwa wótměli. Kake?
To su byli spótny seminar w Smochćicach (Schmochtitz), wustajeńca fotografa Jürgena Maćija wó ewangelskich serbskich cerkwjach tak ako wjeleserake pśednoski, kenž su pśewóźowali wustajeńcu k reformaciji w Serbskem muzeju.
Tuchylu ma Serbske ewangelske towaristwo 45 cłonkow. Kaka tendenca se ceri?