Serbske tradicije su jeje žywjenje

Von Bernd Marx Mittwoch, 27. September 2017
To jo grajna a drastwina kupka Domowinskeje kupki z Brjazyny nad jazorom na 46. lubnjojskem błośańskem a stśělbowem swěźenju 2017 (Gertrud Heiderowa w srjejźišću). Fośe: Bernd Marx

Brjazyna nad jazorom/Briesensee. Serbske wobydlarstwo w toś tej wjasce wót 230 dušow blisko města Lubin móžo slědk glědaś na wuspěšnu bilancu pśi woplěwanju a zachowanju serbskich tradicijow a nałogow. Wjeliku źělbu na tom ma Domowinska kupka, kótaruž su how załožyli w lěśe 1966. Jeje pśedsedarka Gertrud Heiderowa buźo 3. oktober swój 80. narodny źeń swěśiś, we krejzu swójeje familije, pśiswójźbnych a pśijaśelow.

Angažowanosć za to serbske njebu jej do kólebki półožona, pśeto wóna jo se naroźiła we Wittstocku pśi rěce Dosse. Móžno, až wina na tom su byli geny jeje prědownikow, kótarež su něga raz žywe byli w Dolnej Łužycy, pjerwjej nježlic su śěgnuli prěki a pódlu pśez kraj. Abo jo to była móc lubosći, zwěrnosći a skobodnosći, až su swóju domownju spušćili? Jo, młoda Gertrud – wóna jo tencas źěłała ako statnje pśespytowana archiwarka w krajnem archiwje Schwerin (Mecklenburg-Pśedpomorska) – jo lubosći dla swóju domownju spušćiła. Slědk glědujuca na wěcej ako 50 lět swójogo žywjenja groni Gertrud Heiderowa: „Až som pśišła do Błotow, mam se źěkowaś mójomu cłowjekoju.“

(0 )
Bitte anmelden, um einen Kommentar zu posten
 
  • Zustellung der Wochenzeitung durch einen Zusteller oder durch die Post
  • Unsere Zeitung ist ein Muss für jeden, der sich für die Sprache, Kultur und den Alltag des autochthonen slawischen Volkes interessiert.
  • für 26,40 € jährlich

Zeitung bestellen

  • voller Zugang zu Nowy Casnik online und zum E-Paper
  • zusätzliche Funktionen (Archiv, Kommentieren, Bewerten, als PDF speichern)
  • für 14,40 € jährlich (für Abonnenten der gedruckten Ausgabe nur 9 €)

Zugang bestellen