Chóśebuz/Cottbus. Serbske wobydlarje města maju pšawo se w serbskej rěcy na zastojnstwo wobrośiś a swójo póžedanje na serbske pśednjasć, teke wustnje. W měsće jo wustawjone, až, jo-li trjeba, ga dej zastojnik abo zastojnica se wobrośiś pótom na zagronitu za serbske nastupnosći. Wóna pśełožyjo pisne póžedanje wobydlarja do nimskeje rěcy a stoj teke k dispoziciji za rozgrono, co-li wobydlaŕ swóju nastupnosć na serbske pśednjasć. Gaž wóna rowno tam njejo, ga jo móžno teke druge kompetentne serbskorěcne sobuźěłaśerje za pśełožowanje tekstow dostaś. Chtož co we amśe na serbske powědaś, tomu jo pśiraźone, zagronitu za serbske nastupnosći pjerwjej informěrowaś.